|
LAJME DHE NGJARJE TJERA |
>>>
|
|
|
|
|
|
|
|
|
PĖRKUJTUES PĖR KLUBET, GJYQTARĖT DHE VĖZHGUESIT |
|
PĖR KLUBE :
Qėllimi i FBK-sė e nė veēanti i komesarit tė garave ėshtė mbarėvajtja e garave konform propozicioneve , akteve normative dhe pėrgjithėsisht frymės sportive .
|
|
Organizimi i mirë , siguria e mjaftueshme për akter dhe shikues është më së e domosdoshme për rrjedhë normale të ndeshjeve dhe kampionatit në tërësi .
Për të qenë i suksesshëm organizimi i ndeshjeve , klubet duhet të ju përmbahen propozicioneve dhe rregulloreve të garave , që të mbizotëroj fryma sportive pavarësisht epilogut .
Të respektohet skuadra mike , të këtë kushte dhe siguri për akter , tifozë e posaçërisht për zyrtarë të ndeshjes , ata të ndihen të sigurt , të mbrojtur , të lirë dhe të pavarur në marrjen e vendimeve të tyre , mos të kërcënohen dhe assesi të mos sulmohen sepse do të kenë mbrojtje të fuqishme për zbatimin e drejtë të rregullave dhe propozicioneve por edhe ndëshkime për të kundërtën .
Secili nga zyrtarët e klubeve ti kuptojë dhe ti zbatoj kompetencat të cilat i takojnë . Ata të cilët nuk i respektojnë kompetencat assesi nuk do të tolerohen . Tavolina zyrtare duhet të respektohet dhe të kuptohet përgjithmonë se ata që nuk kanë mirësjellje për komunikim dhe kompetencë për të ju drejtuar nuk do të lejohen .
Klubet duhen të ofrojnë zyrtarisht përgjegjësin për gjyqtarë për të gjitha kategoritë i cili obligohet ti pret para ndeshjes të ju siguroj tre policë gjatë dhe pas ndeshjes dhe të përcjellën deri në dalje të qytetit ku është zhvilluar ndeshja , në të kundërtën do të ju nënshtrohet masave disiplinore.
Është bërë praktikë në ndeshje që përfaqësuesit, zyrtarë të klubeve dhe trajnerët më shumë të merren me gjyqtarë dhe gjykim se sa me organizim apo me lojën e skuadrës . Gjatë tërë ndeshjes reagime jo të lejuara në vendime të gjyqtarëve në të shumtën e rasteve duke marrë rolin e gjyqtarit në interpretimin e rregullave . Këto reagime nuk do të tolerohen se gjyqtarët janë ekip dhe do të funksionojnë si
të tillë , bashkëpunim , ndihmë , kolegjialitet janë disa nga elemente qenësore që të kemi një gjykim korrekt dhe të drejtë .
Në garat e grupmoshave të reja të respektohet limiti i moshës së lejuar konform propozicioneve të garave për lojtarë , në të kundërtën do të veprohet në bazë të propozicioneve të garave .
Të respektohen afatet e paraqitjeve zyrtare të ndeshjeve , regjistrimi i lojtarëve , afatet e pagesave , procedura e ankesës , etj të gjitha këto sipas propozicioneve të garave.
Klubet janë të obliguara të sigurojnë dhe ofrojnë kushte optimale ( vende të posaçme për përcjelljen e takimeve ) për përfaqësuesit e mediave nëpër ndeshje sepse ata japin kontributin e madhe në pasqyrimin e drejtë të rrjedhës dhe të avancimit të basketbollit . Në të kundërtën klubet të cilat nuk i përmbushin këto obligim do të ndëshkohen .
PËR GJYQTARË: - Gjykimi në basketboll është " art" , kurse gjyqtari është "artistë" , por jo të luaj rol të dyfishtë jashtë skenarit që lejojnë rregullat e basketbollit . Pamja fizike , aftësia , autoriteti , guximi , teknika dhe mekanika janë elemente që karakterizojnë një gjyqtarë cilësor . Çdo delegim është gëzim , shpërblim dhe shtytje . Të jesh në fushë është fat , kënaqësie por edhe përgjegjësi e madhe . Të gjykosh , të ndash drejtësi është më i miri dhe më i vështiri obligim . Kur ta kuptojmë që nuk ka ndeshje që nuk jemi në gjendje ta gjykojmë jemi bërë gjyqtarë cilësor . Prandaj harrojeni kush është kush ( kundërshtar) , rregullat në kokë , pipin në gojë dhe mos u frikëso . Më së lehti është të gjykosh ndershëm dhe drejtë .
Gjyqtarët janë ndërsa më e lehtë për tu gjetur fajtori për humbjen e ndeshjes apo për renditje përfundimtare në tabelë nga ana e përfaqësueseve të ndryshëm të klubeve . Si duket kjo është bërë praktikë e lehtë kur nuk kërkohet e kundërta nga ana kryesisë së klubeve që fajtori të kërkohet në mos organizimin e mirë , të trajnerët dhe lojtarët . Kjo dukuri që ekziston çdo kund është në kundërshtim me rregullat dhe rregulloret , kjo do të ndodhë edhe të ne , kritikat jo korrekte në media do të ndëshkohen në përputhshmëri me propozicionet e garave .
Do të kërkohet siguri nga klubet , do të mbrohen nga kompetentët por për gjykime të dobëta do të dënohen .
Vazhdimisht do të jenë në vëzhgim për sjelljet e tyre para , gjatë dhe pas ndeshjeve , për marrëdhëniet e tyre në gjykim me akteret e ndeshjeve , kolegjialiteti , kritere shumë të rrepta në çdo ndeshja pavarësisht nivelit dhe peshës së takimeve .
Jam i bindur se gjyqtarët nuk do të jenë përcaktues të epilogëve të ndeshjeve aq më pak të renditjes përfundimtare në tabelë .
Nuk do të lejoj imponime , përjashtime për gjyqtarë nga ana klubeve dhe as abstenime pa arsye nga ana e tyre , sepse gjyqtari në fushë është vetëm gjyqtar , nuk është i asnjë klubi, treve , lokaliteti apo qyteti .
PËR VËZHGUES
Në ndeshjet e basketbollit vëzhguesi i mirë është shumë i rëndësishëm si në aspektin e rregullsisë ashtu edhe si faktor në arritjen dhe ngritjen e cilësisë së lojës . Vëzhguesi në të vërtetë është dorë e zgjatur e udhëheqësit të garave , ai është konstruktiv por kur nevojitet edhe operativ . Për pos që duhet të jetë njohës i mirë i rregullave dhe i propozicioneve të garave duhet të jetë autoritativ dhe i respektuar , vëzhguesi është " syri dhe veshi " i udhëheqësit të garave.
- Çdo vëzhgues i deleguar pa marr parasysh nivelin e lojës , rëndësinë e ndeshjes apo ligën duhet që me përgjegjësi të skajshme ti qaset ndeshjes , të paraqet gjithçka që është për tu paraqitur dhe gjithnjë sa më i qartë. Rangimi i tyre për çdo edicion duhet të bëhet me kritere të rrepta .
Aftësia ( testimi) , autoriteti dhe respekti që ka në basketboll dhe përshtypjet në edicionet e fundit . Prioritet në delegim do të kenë ata që kanë qasje serioze ndaj ndeshjeve , zbatojnë me përpikëri propozicionet , paraqesin ndodhitë të cilat janë për tu paraqitur , nuk i fshehin faktet negative , thjesht ata të cilat i përmbahen kompetencave të tyre .
KOMISARI I GARAVE
Nazmi Paçarada
|
|
| Komentet e postuara nė vijim nuk e pasqyrojnė mendimin e FBK-sė |
| Komentet |
-
z.Nazmi Pacarada me vjen keq per mikun tuaj Isuf Lumin sekretarin FBK
(kadrush, 11:43:17 13.04.2010)
-
kur luhet loja vushtrria-dardania
(ardini, 22:50:50 31.10.2008)
-
Me te vertet e pergezoj komesarin e garave Z.Nazmi Pacaraden per keto venndime sepse keto kan qen ato te cilat jan nevojitur qe ti tregohet se kush ku e ka vendin.Shpresoj qe keto te aplikohen si nga ana e Klubeve,gjygjetareve dhe delegateve dhe do shihet ne fund se gjithqka do shkoj ashtu siq eshte me se miri.
(Egzoni, 17:17:00 02.10.2008)
|
| Shto koment |
|
|
|
