Lehtë për favoritët

  • Lehtë për favoritët
10 Tetor 2015

Sigal Prishtina dhe Peja kanë shënuar fitore të shtunën në kuadër të xhiros së tretë të Superligës së Kosovës. Bardhekaltrit kanë triumfuar në Gjakovë ndaj Vllaznimit me rezultat 93:48, kurse pejanët kanë qenë nikoqirë të debutuesit të elitës së basketbollit kosovar, Kerasan Prishtinës, të cilën skuadër e kanë mposhtur në “Karagaçi” me shifrat 113:65.

Ndërkaq të dielën në program është një ndeshje në Superligë, e cila në fakt është edhe derbi i kësaj xhiro, ku do të ballafaqohen Trepça dhe Golden Eagle Ylli. Ky takim do të luhet me fillim nga ora 19:00 në palestrën e sportit në Obiliq (19:00), pasi mitrovicasit ende nuk kanë qasje në “Minatori”, e cila palestër është në rinovim e sipër tash e tri vjet.

Ndërkohë sot ka filluar edhe edicioni i ri në Ligën e Femrave, ku Kastrioti i Ferizajt dhe Prishtina kanë startuar me fitore. Basketbollistet ferizajase kanë qenë më të mira se ato të Rahovecit, ndaj të cilave kanë triumfuar me rezultat 59:39, kurse kryeqytetaset ishin më të mira se Vllaznimi, kundër të cilës skuadër kanë shënuar fitore me shifrat 73:37 në palestrën “Shani Nushi” në Gjakovë.

Duhet theksuar se ka startuar edhe edicioni i ri në Ligën e Parë të Meshkujve, ku sot është luajtur vetëm një ndeshje, Rahoveci ka triumfuar kundër NewBorn Prishtina me rezultat 111:59.

 

Rezultatet

Superliga e Kosovës

Peja - Kerasan Prishtina   113:65

Vllaznimi - Sigal Prishtina 48:93

 

Liga e Femrave

Kastrioti – Rahoveci           59:39

Vllaznimi - Prishtina           37:73

 

Liga e Parë e Meshkujve

Rahoveci - NewBorn Prishtina    111:59