SUPERLIGA E MESHKUJVE
Në mesjavë zhvillohet xhiroja e 26-të në Prince Caffe Superligë.
Në Prizren do të ndeshen dy skuadrat me traditë në basketbollin e Kosovës, Bashkimi dhe Sigal Prishtina. Prizrenasit ndodhen në vendin e gjashtë me dhjetë fitore e 15 humbje, kurse prishtinasit në vendin e katërt me 15 fitore dhe dhjetë humbje. Të dy skuadrat kërkojnë një vend sa më lartë në renditje, që është shumë e rëndësishme për “Play-off”.
Dy skuadrat që kanë siguruar “Play-off”-in, Golden Eagle Ylli dhe Vëllaznimi ndeshen në Therandë. Ylli është në vendin e tretë me 16 fitore e nëntë humbje, kurse kuqezinjtë janë në vendin e pestë me 11 fitore e 14 humbje.
Të enjten Istogu do të ndeshet me kampionen, Pejën. Istogasit kanë një fitore e 24 humbje, kurse verdhezinjtë janë në pozitën e dytë me 17 fitore e tetë humbje.
Dueli i fundit i kësaj xhiro është ndërmjet Trepçës dhe Proton Cable Prizrenit. Mitrovicasit kanë siguruar vendin e parë me 23 fitore e vetëm dy humbje, kurse prizrenasit janë në vendin e pestë me shtatë fitore e 18 humbje.
Prince Caffe Superliga-Java 26
E mërkurë
19:00 Bashkimi-Sigal Prishtina
19:00 Golden Eagle Ylli – Vëllaznimi
E enjte
19:00 Istogu-Peja
20:00 Trepça-Proton Cable Prizreni
LIGA E PARË E MESHKUJVE
Bora është finalistja e parë në “Play-off” të Ligës së Parë të Meshkujve.
Skuadra prishtinase në ndeshjen e dytë gjysmëfinale e ka mundur Vushtrrinë 80:113, që ishte e mjaftueshme për të depërtuar në finale, pasi sfidën e parë e kishin fituar 80:113. Prishtinasit depërtojnë në finale, ku e presin fituesin e ndeshjes Kosovari-New Basket.
Kosovari e fitoi ndeshjen e së hënës me rezultat 68:92, për të barazuar serinë gjysmëfinale në 1:1, pasi takimin e parë e fituan prizrenasit 85:100. Ndeshja e tretë do të jetë vendimtare se, kush do të kualifikohet tutje.
Kampioni i Ligës së Parë edicionin e ardhshëm do të garojë në elitë, kurse finalisti do të garojë me vendin e shtatë të Prince Caffe Superligë, për një vend në elitën e basketbollit.
SUPERLIGA E FEMRAVE
Të premten zhvillohet ndeshja e parë finale në mes Bashkimit dhe Prishtinës, në kuadër të play-off-it në Superligën Femrat.
Bashkimi fazën e rregullt të edicionit e ka përfunduar si lider i tabelës, ndërsa në gjysmëfinale triumfoi 2:0 ndaj Penzës. Në anën tjetër Prishtina, që edicionin e rregullt e përfundoi si e dyta, në gjysmëfinale u ballafaqua me Peja 03, e që triumfoi 2:0 në seri.
Bashkimi dhe Prishtina në edicionin e rregullt janë takuar katër herë dhe dy skuadrat kanë nga dy fitore e dy humbje ndaj njëra-tjetrës.
Duke parë formën në të cilën po kalojnë finalistet e play-off-it, priten ndeshje dinamike dhe basketboll kualitativ. Finalet e play-off-it gjithashtu do të transmetohen LIVE në ArtMotion.
Kampion aktual është Bashkimi i Prizrenit, që në edicionin e fundit ka fituar edhe Kupën e Superkupën. Ndërsa në tri kompenticionet e lartpërmendura Prishtina ka qenë finaliste.
Skuadra që shënon tri fitore në finale do të shpallet kampion i Kosovës te femrat.
SUPERLIGA E MESHKUJVE
Bashkimi fitoi derbin prizrenas ndaj Proton Cable Prizrenit, ku basketbollisti më i mirë te Portokallezinjtë ishte Lejson Zeqiri, i cili e mbylli ndeshjen me 26 pikë, tetë kërcime e katër asistime, duke e pasur indeksin 29. Ai shpallet edhe MVP i kësaj jave. Kujtojmë se, Lejsoni ishte shpallur edhe MVP i Superkupës, sa ishte pjesë e Sigal Prishtinës.
Sigal Prishtina shënoi fitore bindëse dhe të pritur ndaj Istogut, derisa te bardhakaltrit u dalluan Donovan Smith dhe Visar Ejupi. Qendra Smith e mbylli ndeshjen me 31 pikë, 17 kërcime e katër asistime, kurse Ejupi shënoi 40 pikë, e shtoi edhe katër kërcime e tri asistime. 40 pikët ishin rekord për Visarin në elitë.
Trepça po vazhdon me formë të mirë në elitë, duke shënuar fitoren e radhës ndaj Vëllaznimit, ku Darnell Edge e mbylli ndeshjen me 20 pikë, tetë kërcime, gjashtë asistime.
Fitore shumë të rëndësishme shënoi edhe Golden Eagle Ylli ndaj Pejës, ku te therandasit më i miri ishte Jalen Nesbitt me 16 pikë, gjashtë kërcime e dy asistime.
MVP
Lejson Zeqiri (Bashkimi) 26 pikë, 8 kërcime, 4 asistime, 29 indeksi
Top 5
Donovan Smith (Sigal Prishtina) 31 pikë, 17 kërcime, 4 asistime, 48 indeksi
Visar Ejupi (Sigal Prishtina) 40 pikë, 4 kërcime, 3 asistime, 41 indeksi
Lejson Zeqiri (Bashkimi) 26 pikë, 8 kërcime, 4 asistime, 29 indeksi
Darnell Edge (Trepça) 20 pikë, 8 kërcime, 6 asistime, 23 indeksi
Jalen Nesbitt (Golden Eagle Ylli) 16 pikë, 6 kërcime, 2 asistime, 20 indeksi
# | Lojtari | Minutat e luajtura | Pikët e shënuara | Kërcime | Asistime | Indeksi | |
---|---|---|---|---|---|---|---|
1 | Visar Ejupi | 32.5 | 40 | 4 | 3 | 41 | |
2 | Ivan Koljevic | 36.82 | 16 | 5 | 11 | 27 | |
3 | Arian Azemi | 34.13 | 27 | 6 | 7 | 26 | |
4 | Drilon Hajrizi | 24.43 | 19 | 5 | 2 | 21 | |
5 | Orges Shatri | 35.68 | 22 | 11 | 0 | 20 |