Azerbajxhani te femrat dhe Irlanda te meshkujt triumfojnë në Prishtinë

Për dy ditë radhazi në fundjavë, Federata e Basketbollit e Kosovës (FBK) ka organizuar me sukses turneun ndërkombëtar në 3x3, FIBA 3x3 Europe Cup Qualifier.

Në këtë garë kanë marrë pjesë gjashtë shtete: Kosova, Shqipëria, Qipro, Malta, Azerbajxhani dhe Malta, ku vetëm Shqipëria është paraqitur te meshkujt, derisa shtetet tjera në të dyja konkurrencat.

Turneu i spektaklit u zhvillua në Sheshin “Zahir Pajaziti” në Prishtinë, ku tifozët për dy ditë radhazi kishin mundësi të shohin basketboll të bukur 3x3, muzikë dhe lojëra shpërblyese.

Ditën e parë janë zhvilluar ndeshjet në grupe, derisa të dielën gjysmëfinalet dhe finalet në të dyja konkurrencat.

Kosova femra pësoi nga Azerbajxhani 22:10, derisa te meshkujt Dardanët fituan ndaj Maltës 22:14 dhe Azerbajxhanit 21:18.

Si femrat, ashtu edhe meshkujt u kualifikuan në gjysmëfinale.

Dardanet pësuan nga Qipro 21:11, ndërsa Dardanët pësuan nga Irlanda 21:12.

Në finale te femrat u përballën Qipro dhe Azerbajxhani, ku Azerbajxhani fitoi 21:18, ndërsa te meshkujt fitoi Irlanda 21:19 ndaj Qipros.

Fituesit u kualifikuan në turneun e Europe Cup në Danimarkë në shtator të këtij viti.

Sekretarja e Përgjithshme e FBK-së, Elvira Dushku ka ndarë çmimin MVP te femrat që i takoi Brianna Fraser të Azerbajxhanit dhe çmimin për fituesin e turneut te femrat.

Kryetari i FBK-së, Arben Fetahu ka ndarë çmimin MVP për Jordan Blount të Irlandës, ashtu si edhe çmimin për fituesin te meshkujt.

Lexo më shumë

Supported by:

Official General Sponsor of the Kosovo National Teams:

Official General Sponsor of the Men's Superliga

Golden Sponsors:

Silver Sponsors:

Automotive Sponsor of Kosovo Basketball Federation:

Youth Basketball supporters:

Supported by:

Official General Sponsor of the Kosovo National Teams:

Official General Sponsor of the Men's Superliga:

Golden Sponsors:

Silver Sponsors:

Automotive Sponsor of Kosovo Basketball Federation:

Youth Basketball supporters:

Lajmet e fundit

12/06/2025

Medunjanin, pjesë e FIBA Open 2025 në Zvicër

FBK

Menaxherja e Projekteve në Federatën e Basketbollit të Kosovës, Edita Medunjanin do të jetë pjesë e FIBA Open 2025, ngjarjes tradicionale që organizohet çdo vit në selinë e FIBA-s në Mies, Zvicër më 14 dhe 15 qershor.

Ftesa për pjesëmarrje në këtë event prestigjioz vjen nga FIBA Foundation, si vlerësim për kontributin e Editës si Youth Leader dhe koordinatore e programit “Basketball For Good”.

Gjatë FIBA Open 2025, Edita do të angazhohet në mënyrë aktive në mbështetjen dhe organizimin e aktiviteteve, duke kontribuar me përvojën e saj në realizimin e kësaj ngjarjeje ndërkombëtare.

lexo më shumë

10/06/2025

Gjyqtarët e Kosovës gjykojnë me sukses në Turneun Ndërkombëtar “Copenhagen Invitational 2025”

FBK

Gjyqtarët e Kosovës kanë marrë pjesë në Turneun Ndërkombëtar “Copenhagen Invitational 2025”, të zhvilluar nga data 6 deri më 9 qershor në Danimarkë.

Ky turne, i njohur nga FIBA Europe, është një nga më prestigjiozët për grupmoshat U13, U14 dhe U15, me pjesëmarrjen e 48 ekipeve nga 13 shtete, 555 lojtarë, 120 ndeshje, dhe mbi 30 gjyqtarë nga mbarë bota.

Arritjet Kryesore të Gjyqtarëve nga Kosova:

Arian Thaçi ishte gjyqtar kryesor në finalen e U14 Meshkuj, mes Above Stockholm (SE) dhe SCC Ploskyriv (UA) – arritja më e lartë në këtë turne.

Artan Kurtalani gjykoi ndeshjen për medaljen e bronztë në U13 Femra, BK Amager (DK) - Vilnius Basketball School (LT).

Dren Pudarolli gjykoi ndeshjen për medaljen e bronztë në U14 Meshkuj, BK Brandýs (CZ) – Lobas (SE).

Ilir Shala, Drin Skwnderi, Erzen Haxhani dhe Drin Shabani ishin pjesë e ndeshjeve gjysmëfinale, duke treguar nivel të lartë gjykimi, disiplinë dhe besueshmëri ndërkombëtare.

Paralelisht me ndeshjet, të gjithë gjyqtarët morën pjesë në kliniken ndërkombëtare 3PO, të zhvilluar nga FIBA Europe dhe e udhëhequr nga instruktori i njohur, Oskars Lucis (Letoni) – një figurë me përvojë të jashtëzakonshme në basketbollin evropian.

Lucis ishte përgjegjës për strukturën, përmbajtjen dhe nivelin teknik të Klinikës, duke ndarë përvojën e tij me secilin gjyqtar pjesëmarrës.

Çfarë përfshiu Klinika?

3 Sesione Teorike: (E premte, e shtunë, e diel)

5–6 ndeshje për çdo gjyqtar, me nga 3 ndeshje në ditë

Gjykim me sistemin 3-Person Officiating (3PO)

Trajnim nga instruktorë dhe gjyqtarë elitarë

Analizë video e përditshme në 7 grupe gjyqtarësh, ku secili grup analizonte nga 2 klipe të lojës

Në mesin e ligjëruesve ishin edhe:

Gatis Saliņs (Letoni) – gjyqtar olimpik në Paris 2024, BCL dhe FIBA Elite

Tanel Suslov (Estoni) – gjyqtar në BCL dhe FIBA Europe Cup

Juozas Barkauskas (Lituani) – gjyqtar në Ligën Lituaneze dhe FIBA

Pjesëmarrja e gjyqtarëve nga Kosova në “Copenhagen Invitational 2025” përbën një tjetër hap përpara në ngritjen profesionale të gjykimit tonë.

Finalja, gjysmëfinalet dhe ndeshjet për medalje të bronztë janë dëshmi e rritjes së reputacionit dhe besimit që komuniteti ndërkombëtar i gjyqtarëve po tregon ndaj Kosovës.

Federata e Basketbollit e Kosovës do të vazhdojë të mbështesë fuqishëm zhvillimin e gjyqtarëve tanë dhe pjesëmarrjen në evente të tilla elitare.

lexo më shumë

10/06/2025

Rugova dhe Obërtinca marrin pjesë në Konventën e MiniBasketbollit

FBK

Granit Rugova, Drejtor i Programeve dhe Projekteve Zhvillimore dhe trajneri Driton Obërtinca kanë marrë pjesë në Konventën e MiniBasketbollit.

Konventa është mbajtur nga 5 deri më 8 qershor në Luksemburg.

Konventa ka qenë e ndarë në Kursin për Trajnerë dhe Konventën për Federatat që janë pjesë e Projektit të Minibasketbollit.

Rugova ishte pjesëmarrës në Konventë, derisa Obërtinca në Kursin për Trajnerë.

Në këtë Konventë kanë marrë pjesë 92 delegatë nga 35 vende evropiane.

Qëllimi kryesor i Konventës ishte t'u ofronte 92 delegatëve - trajnerëve dhe organizatorëve nga federata të ndryshme evropiane - mjetet për t'ua prezantuar me sukses basketbollin fëmijëve të grupmoshës 5-12 vjeç, duke i edukuar ata mbi rëndësinë e zakoneve të shëndetit dhe mirëqenies.

Ndër të ftuarit specialë në Konventë ishin Terren Bullock Jr., Drejtor i Fondacionit FIBA, dhe Miroslaë Krogulec, Zëvendëspresident i Sportit dhe Zhvillimit Organizativ për Zyrën Rajonale të Evropës/Eurazisë nga lëvizja e Lojërave Olimpike Speciale.

Si një trajtim të veçantë, delegatëve iu dha mundësia të merrnin pjesë në të turneun ndërkombëtar për djem dhe vajza U14, i cili ka hyrë në dekadën e tij të katërt dhe është një nga turnetë vjetorë evropianë më jetëgjatë në këtë grupmoshë. Një prezantim kryesor i Hoops 4 Schools, programit të udhëhequr nga FIBA Europe, i zhvilluar me financimin Erasmus, ishte gjithashtu pjesë e shumë aktiviteteve paralele gjatë konventës.

Qëllimi i këtij kursi është që trajnerët të jenë në gjendje të punojnë me fëmijët, si dhe ndarja e njohurive të fituar në këtë klinikë me trajnerët e tjerë të cilët mund të kontribuojnë për Mini Basketbollin.

lexo më shumë

10/06/2025

Bero Kingdom triumfon në edicionin e parë të Alley Oop

FBK

Bergo Kingdom nga Prizreni është fitues i edicionit të parë të Alley Oop të mbajtur në Kosovë.

Në super finalen e zhvilluar në Prishtinë, kanë marrë pjesë gjashtë finalistët e gjashtë qyteteve pjesëmarrëse të këtij turneu.

Në super finalen e mbajtur në kryeqytet, kanë marrë pjesë: Prishtina, Bero Kingdom nga Prizreni, 02 nga Mitrovica, Art Design nga Theranda, 03 nga Peja dhe El Quadro nga Gjakova.

Fillimisht u zhvilluan nga dy ndeshje në grupe, e më pas, gjysmëfinalet, si dhe finalja fantastike mes Bero Kingdom dhe 03, ku triumfuan prizrenasit.

Çmimin prej 1000 Euro për skuadrën fituese e ka ndarë Granit Rugova, Drejtor i Programeve dhe Projekteve Zhvillimore në FBK.

Ky projekt ishte në partneritet me FIBA Evropën, derisa qëllimi është të masivizojë basketbollin 3x3 në të gjithë Kosovën.

Ky ishte edicioni i parë, derisa në edicionin e ardhshëm do të jetë më masovik dhe në shumë qytete të Kosovës.

lexo më shumë