Federata e Basketbollit e Kosovës (FBK) ka organizuar një aktivitet me shtetet pjesëmarrëse në FIBA U16 Women’s EuroBasket, Divizioni C.

Eventi u zhvillua ditën e premte kur shtetet pjesëmarrëse e kanë pushim.

Në ambientet e Hotelit “Onix” në Pejë, që ndihmoi në këtë organizim, është mbajtur aktiviteti me yoga, që ishte i mirëseardhur nga shtetet pjesëmarrëse.

Këtë ngjarje e udhëhoqi mësuesja e certifikuar e Yoga-s, Dodona Gashi, ku shtetet ishin të ndara në tri grupe me një orë ushtrime të joga-s.

Aktiviteti është mbajtur në kuadër të Programit FIBA European Youth Leadership, i përkrahur nga FIBA dhe organizata e saj Basketball For Good, ndërkohë që basketbollisteve të reja u janë drejtuar Rrezarta Kqiku, Asistente Ekzekutive në FBK dhe Edita Medunjanin, Menaxhere e Projekteve në FBK.

Për rreth tri orë basketbollistete U16 kanë mbajtur seancë joge që synojnë përgatitjen mendore dhe parandalimin e lëndimeve.

FIBA U16 Women’s EuroBasket, Divizioni C, po mbahet për herë të parë në Pejë, ku po marrin pjesë tetë shtete.

Ky event filloi më 8 korrik dhe përfundon të dielën mbrëma me finalen e madhe.

FIBA Europe Cup ka bërë njoftimin për edicionin e ri të garave.

Nënkampioni i Kosovës, Bashkimi për herë të parë do të luajë në kualifikimet e FIBA Europe Cup.

Prizrenasit që kanë pasur një edicion mjaft pozitiv dhe konkurrues deri në fund, shpresojnë të kalojnë kualifikimet dhe të jenë pjesë e grupeve për edicionin e ri.

Ndeshjet do të zhvillohen me formatin “vajtje-ardhje” dhe skuadra fituese do të sigurojë kualifikimin në fazën e grupeve.

Deri më tani janë 29 skuadra të regjistruara për edicionin e ri, derisa 19 klube janë nga turnetë kualifikues të Ligës së Kampionëve, duke përfshirë edhe kampionin e Kosovës, Trepçën.

Nëse ndonjë nga këto ekipe nuk arrin të kualifikohet, ato do të hyjnë direkt në edicionin e rregullt të FIBA ​​Europe Cup, i cili do të përbëhet përsëri nga 40 klube, të ndara në 10 grupe me nga katër ekipe.

Shorti për kualifikueset dhe edicionin e rregullt do të zhvillohet të mërkurën, më 23 korrik, në Munih, Gjermani.

Kosova mundet nga Malta në FIBA U16 EuroBasket 2025, Divizioni C, me rezultat 73:48 (25:12, 18:12, 14:14, 16:10).

Ndeshja filloi më mirë për Maltën, që e fitoi çerekun e parë me rezultat 25:12 dhe periodën e dytë 18:12.

Në periudhën e tretë, Kosova u rikthye dhe e mbylli çerekun e tretë të barabartë 14:14. Megjithatë, në pjesën e fundit, Malta reagoi, u mbrojt më mirë dhe fitoi çerekun me rezultat 16:10.

Malta e fitoi ndeshjen me rezultat përfundimtar 73:48, duke u kualifikuar në gjysmëfinale.

Ndërkohë, ndeshja e ardhshme dhe e fundit në grupe për Dardanet e reja është nesër ndaj Moldavisë, takim që zhvillohet në Pejë, aty ku po zhvillohet ky event i rëndësishëm i basketbollit

Në ditën e Dytë Shtetet që shenuan fitore janë :

Armenia ndaj Gjibraltarit me rezultat 102:46,

Qipro ndaj Gjeorgjisë 60:33 dhe Shqipëria ndaj Moldavisë 67:45