Vëllaznimi fitoi bindshëm duelin e parë çerekfinal të Kupës së Kosovës ndaj Golden Eagle Yllit me rezultat 100:82 (26:17, 24:24, 18:21, 32:20), duke bërë një hap drejt gjysmëfinales.
Kuqezinjtë ishin të vendosur për fitore dhe këtë e dëshmuan në fillim, ku në çerekun e parë kishin epërsi deri në dhjetë pikë, 24:14, derisa kjo pjesë përfundoi 26:17. Periudha e dytë ishte më e barabartë, 24:24, ndërsa mysafirët për një nuancë ishin më të mirë në periodën e tretë 18:21. Në dhjetë minutat e fundit, skuadra nga Gjakova shtoi epërsinë, duke ditur që është shumë e rëndësishme për Kupë dhe arriti të triumfojë 100:82.
Michael Nuga ishte lojtari i ndeshjes me 39 pikë, katër kërcime e katër asistime, ndërsa Quade Green kishte 31 pikë, katër kërcime e katër asistime ishte më i miri te mysafirët.
Takimi në mesjavën e ardhshme në Therandë, vendos se kush depërton në gjysmëfinale, ku kuqezinjtë do të tentojnë të ruajnë epërsinë e ndeshjes së parë, ndërsa Ylli do të tentojë rikthimin për të fituar me më shumë se 18 pikë dallim.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
