Alonzo Verge JR ka udhëhequr Golden Eagle Yllin në përballjen ndaj Pejës, duke e mbyllur ndeshjen me 52 pikë, nëntë kërcime e pesë asistime, derisa therandasit me shifrat 92:86 (20:17, 27:19, 23:24, 22:26).

Tani Ylli është 2:0 në serinë gjysmëfinale, derisa skuadra që shënon tri fitore kualifikohet në finale.

Therandasit e nisën ndeshjen për mrekulli, me një seri prej 14:4, megjithatë, kampionët u rikthyen dhe çereku i parë përfundoi 20:17. Mysafirët në periudhën e dytë kaluan në epërsi 21:23 dhe më pas u zhvillua lojë e barabartë, por me kalimin e minutave vendasit u shkëputën deri në 12 pikë, 47:35.

Perioda e tretë ishte e baraspeshuar, 23:24, derisa rezultati pas 30 minutash ishte 70:60. Në dhjetë minutat e fundit, pejanët afruan rezultatin në 89:86, por pa mundur të bëjnë më shumë dhe Ylli e fitoi ndeshjen me rezultat 92:86.

Bindshëm më i miri te vendasit ishte Alonzo Verge JR me 52 pikë, nëntë kërcime e pesë asistime, derisa te mysafirët u dalluan Kwame Vaughn me 18 pikë e pesë asistime, Deandre Davis me 13 pikë e shtatë kërcime dhe Justin Davis me 14 pikë e nëntë kërcime.

Mesjava do të sjellë përballjet e dyta gjysmëfinale të “Play-offit” në Prince Caffe Superligë.

Gara e sa vjen bëhet më interesante dhe vendimtare, ku katër skuadra luftojnë për titullin e kampionit.

Golden Eagle Ylli-Peja është sfida që zhvillohet të mërkurën mbrëma. Therandasit fituan ndeshjen e parë si mysafirë 84:87, në një takim me kthesa dhe tani Ylli acancon në serinë gjysmëfinale 1:0. Vendasit synojnë të ngritin epërsinë në 2:0 dhe të afrohen më shumë drejt finales, kurse kampionët të barazojnë serinë në 1:1 dhe të rikthejnë epërsinë e terrenit vendas.

Dueli tjetër zhvillohet të enjten mes Sigal Prishtinës dhe Trepçës. Duelin e parë e fituan mitrovicasit 87:81 dhe synojnë fitoren e dytë radhazi në gjysmëfinale, kurse prishtinasit synojnë të barazojnë serinë në 1:1.

Skuadrat që shënojnë tri fitore do të kualifikohen në finale, derisa për tu shpallur kampionë nevojiten po ashtu tri fitore.

Gjysmëfinalet 2

E mërkurë

19:00 Golden Eagle Ylli - Peja

E enjte

19:00 Sigal Prishtina - Trepça

Gjyqtarët nga Kosova do të gjykojnë në garat evropiane, që do të zhvillohen gjatë verës.

Xhelal Mumini do të gjykojë në FIBA U20 EuroBasket Division B për meshkuj, që do të zhvillohet në Pitesti të Rumanisë. Ky kampionat zhvillohet nga 12 deri më 21 korrik.

Ngadhnjim Shabani do të gjykojë në FIBA U18 EuroBasket Division B për meshkuj, që zhvillohet në Shkup të Maqedonisë Veriore nga 26 korriku deri më 4 gusht.

Elldin Uglari do të gjykojë në FIBA Kampionatin Evropian për Shtete të Vogla, që zhvillohet në Prishtinë nga 25 deri më 30 qershor.

Uglari po ashtu do të gjykojë në U16 Women's EuroBasket, Division B që zhvillohet nga 15 deri më 24 gusht në Konja të Turqisë.  

Amar Djekovic do të gjykojë në dy gara ndërkombëtare. Amari do të gjykojë në FIBA Kampionatin Evropian për U18 Femra, Divizioni C, që zhvillohet në Prishtinë nga 23 deri më 28 korrik, si dhe FIBA U16 EuroBasket Division C, që zhvillohet në Tiranë nga 9 deri më 14 korrik. 

Federata e Basketbollit e Kosovës (FBK) hap Thirrje Publike për Vullnetarët e eventeve të verës.

FBK fton të gjithë të interesuarit/at, moshuarit/at, të rinjtë, si dhe nga komunitetet tjera për tu paraqitur për të qenë pjesë e ngjarjeve ndërkombëtare që do të organizohen gjatë verës në vendin tonë.

Vullnetarët/et do të jenë pjesë e eventeve: FIBA 3x3 Europe Cup Qualifier, FIBA Kampionatit Evropian për Shtete të Vogla – Femrat dhe FIBA U18 Kampionati Evropian, Divizioni C për Femra.

Të interesuarit/at mund të dërgojnë CV-në në email-adresën manager@basketbolli.com deri më 3 maj 2024.