Kampionet vazhdojnë me fitore

Bashkimi ka vazhduar me fitore, duke mposhtur Penzën në “Sezai Surroi” me shifrat 82:70 (29:14, 16:16, 21:12, 16:28) në javën e 14-t të Superliga Femrat.

Sfida nisi me dominimin e vendaseve që mbyllën çerekun e parë 29:14 për të vazhduar në një pjesë të dytë të barabartë 16:16, derisa pjesa e parë u mbyll 45:30.

Dhjetëminutëshi i tretë ishte vendimtar, ku prizrenaset thelluan epërsinë 21:12, kurse perioda e fundit ishte më e mirë për Penzën 16:28, por që nuk ia arritën të mposhtin kampionet, që fituan në fund 82:70.

Më e mira te vendaset ishte Aulona Muhadri me 12 pikë, 15 kërcime, tri asistime, ndërsa te mysafiret ishte Nicole Terry me 30 pikë, 11 kërcime dhe tri asistime.

Bashkimi ka 13-të fitore dhe një humbje, ndërsa Penza ka shtatë fitore dhe shtatë humbje.

‍