Fitorja e parë për Kosovën

Kosova triumfoi ndaj Moldavisë në FIBA U16 EuroBasket 2025, Divizioni C, me rezultat 43:56 (9:13, 8:9, 17:21, 8:13).

 

Kjo ishte fitorja e parë për vashat e Kosovës në këtë Evropian.

 

Ndeshja nisi më mirë për vajzat e Kosovës, të cilat fituan dy çerekët e parë me rezultat 9:13 dhe 8:9, duke ndërtuar një epërsi të qëndrueshme.

 

Në pjesën e dytë, Dardanet e reja vazhduan me ritëm të lartë, duke dominuar në mbrojtje dhe sulm. Ato fituan edhe çerekun e tretë dhe të katërt, duke siguruar fitoren me rezultat të përgjithshëm 43:56.

 

Kjo ishte ndeshja e fundit në grupe për Kosovën, që shënoi edhe fitoren e parë.

 

Të premten është ditë pushimi, derisa Evropiani në Pejë vazhduan të shtunën me sfidat interesante.

Kosova të shtunën do të luajë për vendet 5-8 me Gjibraltarin, derisa në gjysmëfinale do të luajnë Shqipëria me Qipron dhe Malta me Armeninë.