Kosova U18 pëson humbjen e dytë në Evropian, mposhtet nga Estonia

Përfaqësuesja e Kosovës U18 në konkurrencën e meshkujve ka pësuar humbje në ndeshjen e dytë të Grupit C në FIBA U18 European Championship, Division B, që po mbahet në Rumani. Kosova u mposht nga Estonia me rezultat 61:95 (19-22, 17-32, 10-26, 15-15) në një ndeshje ku kundërshtari dominoi që nga pjesa e parë.

Kosova e nisi ndeshjen mirë, duke qëndruar afër në rezultat në çerekun e parë, por në periudhën e dytë Estonia shtoi tempin dhe krijoi diferencë të madhe, duke shkuar në pushim me epërsi 18 pikëshe (39:57). Në pjesën e dytë, Kosova hasi vështirësi në organizim dhe nuk arriti të ndalë efikasitetin e kundërshtarit, i cili thelloi më tej rezultatin.

Edhe pse skuadra humbi, Besim Bytyqi ishte fantastik për Kosovën, me 24 pikë, ndërsa ndihmoi edhe në mbrojtje e organizim. Ai ishte i vetmi lojtar me dyshifror pikësh në këtë ndeshje për ekipin tonë.

‍