Kosova U18 pëson humbje të ngushtë ndaj Zvicrës në ndeshjen e Grupit C

Përfaqësuesja e Kosovës U18 në konkurrencën e meshkujve ka dhënë një performancë dinjitoze në ndeshjen ndaj Zvicrës U18, megjithëse nuk arriti të marrë pikë, duke pësuar humbje të ngushtë me rezultat 68:73 ( 22-17,13-21,17-17,16-18) në një përballje të luftuar deri në sekondat e fundit.

Pas një nisjeje shumë të mirë, ku Kosova fitoi çerekun e parë me 5 pikë diferencë, skuadra u përball me kundërshtarët që ngritën ritmin në pjesën e dytë të pjesës së parë dhe më pas e mbajtën epërsinë gjatë pjesës së mbetur të ndeshjes. Megjithatë, Kosova nuk u dorëzua dhe luftoi deri në fund, por nuk arriti të përmbysë rezultatin.

Më i dalluari i ndeshjes te Kosova ishte Besim Bytyqi, i cili realizoi 20 pikë, ndërsa Drin Mehmed Tafilaj shtoi edhe 14 pikë dhe kontribuoi në mbrojtje dhe organizim.

‍