Vendimet e Bordit të FBK-së

Në mbështetje të kompetencave të Bordit të Federatës së Basketbollit të Kosovës (FBK), të përcaktuara me Statutin e FBK-së, përkatësisht Nenin 24, si dhe në përputhje të plotë me Rregulloren e Punës së Bordit, Bordi i FBK-së, në mbledhjen e rregullt të mbajtur më 23.12.2025 në Prishtinë, pas shqyrtimit dhe diskutimit të të gjitha pikave të rendit të ditës, merr këto vendime:

1. Miraton Raportin e Punës për vitin 2025 dhe Raportin Financiar për periudhën janar - nëntor 2025;

2. Miraton Planin e Veprimit, Planin Financiar, si dhe Planin e Marketingut & Shpërndarjes për vitin 2026;

3. Vendos vazhdimin e mandatit të Sekretares së Përgjithshme të FBK-së, znj. Elvira Dushku në përputhje me dispozitat e Statutit të FBK-së;

4. Emëron z. Bujar Loci përzgjedhës të Përfaqësueses A të Kosovës për ciklin e para-kualifikimeve për FIBA EuroBasket 2029;

5. Miraton Planin Strategjik të Federatës së Basketbollit të Kosovës për periudhën 2026–2030;

6. Miraton Planin Strategjik për zhvillimin e disiplinës së basketbollit 3x3, në funksion të përgatitjeve për Lojërat Mesdhetare Prishtina 2030;

7. Miraton dorëheqjen e z. Dren Zatriqi nga pozita e Kryesuesit të Komisionit për Nominimin e Personave Zyrtarë të Ndeshjeve dhe emëron z. Fidani Hamiti, anëtar i këtij Komisioni, si Kryesues të ri. Komisioni vazhdon punën për pjesën e mbetur të këtij edicioni të garave në përbërje: Fidani Hamiti (kryesues), Irma Konjusha (anëtare) dhe Valdet Spahija (anëtar);

8. Në koordinim me ekspertë ligjorë vendorë & ndërkombëtarë, me përkrahje të FIBA-s dhe në bashkëpunim me Shoqatën e Basketbollistëve dhe Basketbollisteve të Kosovës, të shqyrtohen dhe zhvillohen mekanizma për rritjen e nivelit të mbrojtjes kontraktuale të lojtarëve/ve vendorë/e;

9. Miraton Planin - Propozim për zbatimin praktik të “Rregullores për shpenzimet e dedikuara për zhvillimin e gjeneratave të reja nga klubet e Superliga Meshkujt”, në vlerë prej 10%. Plani hyn në fuqi menjëherë dhe zbatohet duke filluar nga muaji janar 2026 për klubet e ProCredit Superligës.

Në emër të Bordit të Federatës së Basketbollit të Kosovës,

Arben FETAHU                                             

Kryetar

‍