Sot janë bërë katër vjet nga vdekja e ish-basketbollistit të njohur, Gazmend Sinani, i cili kishte humbur jetën në një aksident trafiku.
Gazi ishte shembull se si luftohet për fanellën e skuadrës dhe të Përfaqësueses së Kosovës. Krahas një shpirti luftarak në parket Gazi ishte i dashur nga tifozët dhe bashkëlojtarët. Sinani mbetet shembull për të gjithë.
Ai ishte anëtar i Kombëtares së Kosovës, që nga pranimi i FBK-së në FIBA, ndërsa fanella me numër 15 është pensionuar përgjithmonë nga Federata e Basketbollit të Kosovës.
Kosova përveç që humbi një basketbollist të shkëlqyer, humbi edhe një djalë të jashtëzakonshëm.
Kujtimi për Gazin do të mbetet përgjithmonë.
Gazmend Sinani ishte 27 vjeçar. Pasi kaloi grupmoshat e reja në Prishtinë, karrierën e vazhdoi në Turqi, ku ishte pjesë e akademisë së Fenerbahçes dhe kombëtareve turke të grupmoshave të reja. Në Kosovë ka luajtur për Prishtinën, Bashkimin e Rahovecin, kurse në klube të ndryshme turke është paraqitur disa sezone. Më 2017/18 luajti në ligën elite në Angli.
Copyright © Përkrahur me nga Global CT
