Fillojnë Garat Republikane të Programit Sport në Shkolla

Pas përfundimit të Garave Shkollore dhe Rajonale, sot në Sheshin Skënderbeu është koha për Garat Republikane, në kuadër të Programit Sport në Shkolla.

Më 10 qershor, 28 ekipe të klasave 6-9 të 14 shkollave të 7 rajoneve, do të luftojnë për titullin zyrtar, ku do të shpallen 4 ekipe kampione, vajza dhe djemtë të grupmoshave U12 dhe U14.

Fituesit e Garave Republikane do të shpallen pasi u mbyllën suksesshëm Garat Shkollore dhe më pas Rajonale, ku morën pjesë 56 ekipe nga zonat rurale dhe urbane të vendit.

"Sporti në Shkolla" është hartuar nga Ministria e Kulturës, Rinisë dhe Sportit në bashkëpunim me Ministrinë e Arsimit, Shkencës Teknologjisë dhe Inovacionit dhe Federatën e Sportit Shkollor të Kosovës.

‍