Datat e Kampit Kosovo Heritage Basketball Academy: FBK bën thirrje për pjesëmarrje

Datat e Kampit Kosovo Heritage Basketball Academy: FBK bën thirrje për pjesëmarrje në Kampin 

Nga 29 korrik deri më 2 gusht në Kosovë do të mbahet kampi i organizuar nga Kosovo Heritage Basketball Academy (KHBA), me mbështetjen e Federatës së Basketbollit të Kosovës (FBK). Organizatore e kampit është ndihmëstrajnerja e Përfaqësueses A (F), Edona Thaqi. Së bashku me Thaqin në kamp do të marrin pjesë edhe emra të njohur të basketbollit nga Amerika.

Çdo seancë e kampit do të jetë e përbashkët, me jo më shumë se 50 kampistë për seancë. Kryetrajneri do të jetë Brian S. Kriftcher, një trajner i suksesshëm i basketbollit për një shkollë të mesme prej kohësh, si dhe themeluesi i Fondacionit Rinor të Paqes Stamford, i cili përfshin programin e tij të nivelit të lartë PEACE Basketball AAU. Ai do të ndihmohet nga Sarah Kustok, e cila është analiste zyrtare në NBA dhe shërben si analiste e NBA, WNBA dhe Basketbollit të Kolegjit në Fox Sports. Gjithashtu, Falecia Porter, bashkëthemeluese dhe drejtuese e operacioneve të biznesit në Progression Training që ndodhet në Groton, Connecticut, dhe Keith Porter, trajnere në WNBA dhe ish-basketbolliste profesioniste në Spanjë dhe Puerto Riko, do të jenë pjesë e ekipit stërvitor.

Stërvitjet do të mbahen në ISP në Lagjen Marigona. Fëmijët e moshave 8 deri 12 vjeç duhet të paraqiten nga ora 10 paradite deri në 12 mesdite, ndërsa fëmijët e moshave 13 deri 16 vjeç nga ora 13:00 deri në orën 15:30.

FBK ju bënë thirrje të gjithë klubeve dhe fëmijëve nga e gjithë Kosova që të shfrytëzojnë rastin që të jenë pjesë e këtij kampi shumë profesional dhe të përfitojnë nga mundësia e shkëlqyeshme për të punuar me emra të njohur të basketbollit. 

Këtu gjeni linku për regjistrim: https://peaceyouthct.sportngin.com/register/form/674916535

Ky është viti i dytë radhazi që organizohet Kosovo Heritage Basketball Academy. 

‍