Vendimet e Bordit të FBK-së

Bordi i ri i Federatës së Basketbollit të Kosovës (FBK) më 12 shtator (e enjte) në Prishtinë e ka mbajtur mbledhjen e parë për mandatin 2024-2028.

Bordi i FBK-së në këtë mbledhje ka diskutuar për të gjitha përgatitjet për edicionin e ri të garave 2024/25, si dhe për tema të tjera me interes për zhvillimin e basketbollit në vendin tonë dhe ndër të tjera ka marrë këto vendime:

1. Të hap konkurs për organizimin e Superkupës së Kosovës në konkurrencën e femrave në datat 16-20 shtator. Superkupa Femrat do të mbahet në datat 30 shtator-4 tetor.
2. Ia ka vazhduar mandatin Armend Hamiti - Kryesues dhe Arianit Shala - Anëtar në Komisionin e Garave të FBK-së për edicionin 2024/25, si dhe e ka emëruar Ismet Feratin si anëtarin e tretë.
3. E ka emëruar Fidan Hamitin dhe Irma Konjushën si anëtarë/e të Komisionit për Delegim të FBK-së për edicionin 2024/25, derisa Komesari i Garave në FBK konform akteve normative është kryesues i këtij Komisioni.
4. E ka emëruar Blerim Vuniqin, anëtar të Komisionit Disiplinor të FBK-së, kurse Omer Dakun - Kryetar dhe Afrim Kamishin në cilësinë e anëtarit.
5. E ka miratuar listën e gjyqtarëve dhe vëzhguesve për edicionin e ri.
6. E ka miratuar propozim - rritjen e taksës për gjyqtarët e ligave të kategorive të reja, Superliga Meshkujt dhe Superliga Femrat.
7. E ka miratuar propozimin e Instruktorit Nacional të FBK-së për listën e FIBA Gjyqtarëve për periudhën 2025-2027.
8. I ka licencuar me kusht për edicionin 2024/25 klubet e Superliga Meshkujt dhe ka vendosur që afati shtesë për plotësimin e dokumentacionit nga klubet që nuk e kanë kompletuar dosjen të jetë data 20 shtator.
9. E ka emëruar Komitetin Ekzekutiv të FBK-së në përbërje të pesë anëtarëve: Kryetari, Sekretarja e Përgjithshme (konform Statutit), nënkryetari Fatmir Gashi, Linda Shala dhe Valton Bilalli, anëtarë të Bordit.
10. E ka miratuar propozimin e Kryetarit të FBK-së për Sponsor Gjeneral të Superligës - ProCredit Bank, si dhe e ka miratuar Identitetin e Ri të kësaj gare.
11. E ka autorizuar Sekretaren e Përgjithshme të FBK-së për hapje të konkursit për pozitën: Koordinator i Përgjithshëm i Programit Afatgjatë për zhvillimin e basketbollit në Kosovë për periudhën 2024-2029, si dhe e ka emëruar Komisionin për Intervistim për këtë pozitë, në përbërje të Sekretares së Përgjithshme, dhe dy anëtarëve të Bordit të FBK-së, Florian Miftari dhe Teuta Abdullahu.

Në emër të Bordit të FBK-së,          

Arben FETAHU

Kryetar

Federata e Basketbollit e Kosovës

‍