Peja ka triumfuar në duelin e parë çerekfinal të Kupës ndaj Sigal Prishtinës me rezultat 74:71 (20:16, 21:23, 13:19, 20:13), në një sfidë mjaft interesante.
Ndeshja e kthimit në kryeqytet do të vendos se kush do të kualifikohet në gjysmëfinale.
Takimi në Pejë ishte mjaft interesant, ku pjesa e parë ishte e baraspeshuar, me verdhezinjtë, që ishin më të mirë në çerekun e parë 20:16, derisa bardhekaltrit në atë të dytë, 21:23, për të shkuar në pushim me shifrat 41:39.
Prishtinasit e nisën pjesën e dytë më mirë, duke pasur epërsi deri në tetë pikë, 48:56, derisa rezultati pas 30 minutash ishte 54:58. Në dhjetë minutat e fundit dhe vendimtar, Peja bëri përmbysjen, për të fituar ndeshjen 74:71.
Tristan Ikpe ishte më i dalluari te Peja me 23 pikë e gjashtë kërcime, derisa Dardan Berisha shtoi 16 pikë, ndërsa te Sigal Prishtina më i miri ishte Josh Nzeakor me 22 pikë e tetë kërcime.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
