Portokallezinjtë humbasin vetëm pas vazhdimeve

Bashkimi ka zhvilluar një lojë shumë të fortë ndaj skuadrës së njohur franceze, Dijon, por prizrenasit pësuan vetëm pas vazhdimeve.

Ndeshja që solli shumë emocione përfundoi 74:83 (18:12, 18:18, 9:25, 23:13, 6:15), derisa koha e rregullt kishte përfunduar 68:68.

Prizrenasit të përkrahur nga tifozët vendas e nisën ndeshjen shumë mirë, duke pasur epërsi konstante në çerekun e parë 18:12, derisa periudha e dytë ishte e baraspeshuar 18:18. Mysafirët ishin shumë më të mirë në periudhën e tretë, 9:25, por Portokallezinjtë nuk u dorëzuan dhe u rikthyen dalëngadalë për të barazuar shifrat në 68:68, sa përfundoi koha e rregullt. E, në vazhdime, francezët ishin më të përqendruar për të fituar 74:843.

TJ Bickerstaff ishte më i dalluari te vendasit me 18 pikë e 11 kërcime.

Atmosfera në Prizren ishte fantastike, derisa vendasit pësuan humbjen e tretë nga tri ndeshje, kurse francezët shënuan fitoren e parë.

‍