Vëllaznimi me rikthim shënon fitoren e parë

Vëllaznimi ka regjistruar fitoren e parë në ProCredit Superligë. Kuqezinjtë fituan ndaj Borës me rezultat 91:79 (18:17, 17:29, 25:20, 29:15), në një sfidë interesante në Gjakovë, ku ishin duke humbur me 12 pikë, por në fund triumfuan me 12 pikë dallim.

Fillimi i ndeshjes u karakterizua me pak pikë të shënuara, por me kalimin e minutave, sfida filloi të bëhej interesante, ku çereku i parë përfundon 18:17. Edhe periudha e dytë ishte kryesisht e baraspeshuar, saktësisht deri në dy minutat e fundit, kur prishtinasit u shkëputën në 37:44, sa përfundoi pjesa e parë.

Mysafirët vazhduan me lojë të mirë në periudhën e tretë, ku u shkëputën në 40:52, por kuqezinjtë nuk u dorëzuan dhe bën rikthimin e madh nga minus 12 pikë në plus 16, 86:70, për të triumfuar në fund me shifrat 91:79.

Te vendasit, Ziggy Reid kishte 27 pikë, Yor Anei 18 pikë e 12 kërcime, ndërsa Rron Dahsyla 15 pikë, katër kërcime e gjashtë asistime, ndërsa te mysafirët u dalluan Tyson Jackson me 17 pikë e dhjetë kërcime dhe Shaquan Jules me 16 pikë e shtatë kërcime.

Vëllaznimi ka një fitore e tri humbje, kurse Bora katër humbje.

‍