Super përballje në ProCredit Superligë

Java e pestë e ProCredit Superligës do të sjellë përballje shumë interesante, ku veçohet derbi i rivalëve të vjetër ndërmjet Sigal Prishtinës dhe GO+ Peja.

Përballjet ndërmjet këtyre dy skuadrave gjithmonë kanë qenë interesante dhe kështu pritet edhe të dielën.

Bardhekaltrit e kanë nisur edicionin me tri fitore e një humbje, kurse pejanët kanë katër fitore në katër ndeshje. Të dy skuadrat garojnë gjithashtu në Ligën ENBL, duke e bërë këtë sfidë edhe më interesante.

Të dielën në Prizren do të përballen Golden Eagle Ylli dhe Bashkimi. Therandasit kanë një fitore e tri humbje, kurse prizrenasit kanë katër fitore në katër ndeshjet e para të elitës.

Po ashtu në Prizren zhvillohet dueli tjetër, por të hënën ndërmjet Rahoveci 029 dhe Vëllaznimit. Të dy skuadrat kanë nga një fitore e tri humbje, duke e bërë sfidë më të baraspeshuar dhe interesante.

Ndeshja ndërmjet Borës dhe Trepçës është shtyrë për shkak të probleme me palestër për shkak të zgjedhjeve në Kosovë.

ProCredit Superliga-Java 5

E diel

17:00 Sigal Prishtina - GO+ Peja

19:00 Golden Eagle Ylli - Bashkimi

E hënë

16:00 Rahoveci 029 - Vëllaznimi

Bora - Trepça (shtyhet)

‍