Në Gjakovë po mbahet turneu i FIBA YDF-së

Për herë të parë në qytetin e Gjakovës po mbahet turneu i FIBA YDF-së për grupmoshën U14 në të dyja konkurrencat.

Në këtë turne të rëndësishëm marrin pjesë pesë shtete në të dyja konkurrencat, Kosova, Maqedonia Veriore, Rumania, Turqia dhe Bullgaria.

Më 11 nëntor në program kanë qenë stërvitjet e shteteve pjesëmarrëse, derisa ndeshjet janë zhvilluar nga 12 nëntori. Ky turne do të përfundojë më 16 nëntor.

FBK dhe FIBA YDF kanë bashkëpunim që nga viti 2016, bashkëpunim ky që ka ndihmuar në zbulimin e talenteve të rinj, edukimin e trajnerëve dhe ngritjen profesionale të lojtarëve/eve.

‍