Penza apo Bashkimi do të triumfojë në Superkupë?

Sonte nga ora 20:00 do të zhvillohet Superkupa e Femrave në ‘Karagaçi’ të Pejës, ku do të përballen Penza dhe Bashkimi.

Skuadra pejane e kishte më lehtë në gjysmëfinale, duke mundur Trepçën me rezultat të thellë 101:37, ndërsa Bashkimi për të depërtuar në finale e mposhti Prishtinën me rezultat 78:65.

Vashat pejane edicionin e kaluar fituan titullin në Kosovë, Superkupën e Kosovës dhe Superkupën Mbarëkombëtare, ndërsa ato prizrenase triumfuan në Kupën e Kosovës.

Këto dy skuadra do të përballen po ashtu edhe në Superkupën Mbarëkombëtare.

Në këtë përballje do të pensionohet edhe ikona e basketbollit pejan te femrat, Valbona Bytyqi, që ka dhënë shumë për skuadrën e Penzës. Ajo po ashtu ishte edhe basketbolliste e Përfaqësueses së Kosovës në Kampionatin Evropian për Shtete të Vogla.

‍