Superkupa e Sigal Prishtinës

Sigal Prishtina ka triumfuar në Superkupën e Kosovës në basketboll, duke mundur Trepçën me shifrat 73:54 (13:8, 15:15, 24:14, 21:17), në finalen e zhvilluar në Prishtinë.

Çereku i parë ishte kryesisht i barabartë, por në fund të kësaj pjese prishtinasit shënuan pesë pikë, për të fituar këtë pjesë 13:8. Bardhekaltrit vazhduan me lojë të mirë dhe arritën epërsi deri në 11 pikë, 23:12, por më pas u rikthyen mysafirët, duke ngushtuar shifrat, ndërsa skuadrat shkuan në pushim me rezultat 28:23.

Kryeqytetasit në pjesën e dytë, përkatësisht periodën e tretë, e ngritën epërsinë edhe më shumë, ku më e larta ishte 17 pikë, 52:35, ndërsa shifrat pas 30 minutash në semafor ishin 52:37. Prishtina menaxhoi dhe ruajti epërsinë deri në fund për të triumfuar 73:54.

MVP i Superkupës është shpallur Lejson Zeqiri, çmim të cilin ia ndau Sekretarja e Përgjithshme e Federatës së Basketbollit të Kosovës (FBK), Elvira Dushku, ndërsa kryetari i FBK-së, Arben Fetahu ia ndau trofeun kapitenit të Sigal Prishtinës, Dardan Berisha. 

‍