Konkurs pune për Koordinator/e rajonal

Federata e Basketbollit e Kosovës (FBK) në kuadër të programit “Sporti në Shkolla” shpall konkurs pune për individë për pozitën Koordinator/e rajonal. Programi “Sporti në Shkolla” është iniciativë e përbashkët e Ministrisë së Kulturës, Rinisë dhe Sportit (MKRS), Federatës së Sportit Shkollor (FSSHRK) dhe Federatës së Basketbollit të Kosovës (FBK), që synon të ofrojë trajnime dhe garat në basketboll për nxënësit e shkollave publike në Kosovë.

Përgjegjësia e Koordinatorëve Rajonal qëndron në sigurimin e zbatimit të programit dhe monitorimit të situatës në terren, si dhe në krijimin e bashkëpunimit mes grupeve të interesit të ndryshme, institucioneve arsimore, MKRS-së, FSSHRK-së dhe FBK-së.

Ne kërkojmë të plotësojmë 7 vende pune në 7 rajone të listuara më poshtë:

1. Prishtinë
2. Pejë
3. Prizren
4. Mitrovicë
5. Ferizaj
6. Gjilan
7. Gjakovë

Detyrat dhe përgjegjësitë:

• Asistimi në organizimin e aktiviteteve ekstra-kurrikulare;
• Sigurimi i mbarëvajtjes së projektit;
• Pika e kontaktit ndërmjet FBK-së dhe grupeve të tjera të interesit;
• Monitorimi i stërvitjeve dhe lojërave ne terren;
• Shpërndarja e pajisjeve dhe materialeve promovuese sipas nevojave;
• Mirëmbajtja e pajisjeve dhe materialeve të ofruara nga FBK;
• Pjesëmarrja në klinikat për basketboll 3x3 të organizuara nga FBK;
• Promovimi i basketbollit 3x3;
• Raportimi në FBK për progresin dhe punën;
• Raportimi në FBK sipas kërkesave për të gjitha çështjet që kanë të bëjnë me projektin;
• Kryerja e detyrave të ndryshme të lidhura me punën e caktuar.

Kualifikimet dhe aftësitë:

• Përvojë e dëshmuar minimum pesë vjeçare pune me nxënësit në fushën e sportit;
• Të ketë të përfunduar shkollimin universitar (studimet bachelor/master në fakultetin e edukimit fizik, menaxhim ose fusha të ngjashme);
• Njohuri të thukëta për sportin e basketbollit, në veçanti basketbollit 3x3;
• Njohuri dhe aftësi për efektivitetin organizativ dhe menaxhimin e projekteve;
• Aftësi të jashtëzakonshme komunikuese;
• Njohuri pune të programeve standarde të Office (Word, Excel, Power Point);
• Njohuri të shkëlqyera të gjuhës shqipe, gjuha angleze dhe serbe janë të preferueshme;
• Të ketë patent shofer/kategoria B.

Të gjithë të interesuarit mund të dërgojnë CV-në në email adresën: projectmanager@basketbolli.com deri me datën 10/11/2023.

Ju lutem specifikoni rajonin për të cilin aplikoni.

Vetëm kandidatët e listës së ngushtë do të ftohen për intervistim. 

‍