Ka filluar në Prishtinë FIBA Europe U14 Get-Together, që për herë të parë po mbahet në vendin tonë.

Ky event shumë i rëndësishëm i basketbollit ndërkombëtar ka mbledhur rreth 60 trajnerë nga vende të ndryshme të Evropës.

Ngjarja do të mbahet deri të dielën, ndërkaq, në ditën e dytë të këtij eventi, më 18 tetor 2025, do të jetë i hapur për trajnerët nga Kosova të gjeneratave të reja.

Hapjen e kësaj ngjarje e ka bërë Kryetari i Federatës së Basketbollit të Kosovës, Arben Fetahu, i cili është shprehur i lumtur, por edhe duke u ndjerë krenar, që një event kaq i madh po mbahet për vendin për herë të parë në vendin tonë.

Kamil Novak, Drejtor Ekzekutiv i FIBA Evropës, theksoi se, tashmë Kosova ka fituar përvojë në organizimin e ngjarjeve evropiane dhe nuk është befasi, që shtëpia e basketbollit botëror, i beson në organizimin e shumë ngjarjeve ndërkombëtare.

Në ditën e parë, Matthias Zollner ka ligjëruar për: Zhvillimi afatgjatë i lojtarëve, ndërsa Nenad Truniq ka ligjëruar për: Planifikimi dhe zbatimi i stërvitjeve në basketboll.

Kjo ngjarje e përvitshme e FIBA Europe synon edukimin e trajnerëve të rinj dhe fuqizimin e gjeneratave të ardhshme të basketbollistëve, duke e vendosur Kosovën në qendër të zhvillimeve ndërkombëtare sportive.

Për herë të parë në vendin tonë është mbajtur takimi i Komisionit të të Rinjve të FIBA Evropës (FIBA Europe Youth Commission).

Takimi është mbajtur në kryeqytetin e Kosovës ku kanë marrë pjesë edhe Presidenti u FIBA Evropës, Jorge Garbajosa, derisa nënkryetar i këtij Komisioni është Kryetari i FBK-së, Arben Fetahu.

Kjo është një mbledhje vjetore me rëndësi vendimmarrëse - Anëtarët e komisionit, përfaqësues nga vende të ndryshme evropiane, takohen çdo vit për të diskutuar projekte të reja, garat ndërkombëtare dhe zhvillimin e trajnerëve e lojtarëve të rinj.

“Është hera e parë që një Komision i FIBA Evropës mblidhet në vendin tonë, çka tregon besimin dhe vlerësimin që shtëpia e basketbollit botëror ka ndaj nesh”, është shprehur Kryetari i FBK-së, Arben Fetahu, Kryetar i Federatës të Basketbollit të Kosovës.

Organizimi i mbledhjes së këtij Komisioni, por edhe FIBA Europe U14 Get Together në vendin tonë, tregon për besimin që ka shtëpia e basketbollit botëror ndaj Federatës së Basketbollit të Kosovës.

Presidenti i FIBA Evropës, Jorge Garbajosa, Drejtori Ekzekutiv i FIBA Evropës, Kamil Novak, si dhe drejtuesit e FBK-së, Kryetari Arben Fetahu, Sekretarja e Përgjithshme, Elvira Dushku janë pritur nga ministri i Kulturës, Rinisë dhe Sportit (MKRS), Hajrulla Çeku, zëvendësministrja Daulina Osmani, Sekretari i Përgjithshëm Bislim Bislimi dhe Fidan Shatri, Kryeshef i Agjencisë së Sportit të Kosovës.

Gjatë takimit është biseduar për bashkëpunimin e ngushtë që ka MKRS dhe Federata e Basketbollit e Kosovës, ku Ministria e Sportit gjithmonë ka qenë përkrahëse e zhvillimit të basketbollit në vendin tonë.

Me theks të veçantë është biseduar për organizimin e Lojërave Mesdhetare në vitin 2030, që për herë të parë do të mbahen në vendin tonë. MKRS do të investojë në pjesën e infrastrukturës sportive që pritet të ndërtohet, e që është thelbësore për mbajtjen dhe zhvillimin e Lojërave Mesdhetare.

Garbajosa ka falënderuar ministrin Çeku për mbështetjen që jep për basketbollin e Kosovës, pasi është shumë e rëndësishme që FBK të ketë përkrahje institucionale për organizimin e garave vendore dhe ndërkombëtare.

Edhe drejtuesit e FBK-së kanë konfirmuar bashkëpunimin e thellë që kanë me MKRS, duke i falënderuar për përkrahjen e madhe që e jep për basketbollin e Kosovës.

Kujtojmë se kjo është hera e dytë që Jorge Garbajosa viziton vendin e parë. Hera e parë ishte në dhjetor të vitit të kaluar.

Garbajosa është zgjidhur President i FIBA Evropës në maj të vitit 2023, ku Kryetari i FBK-së, Arben Fetahu është zgjidhur anëtar i Bordit të FIBA Evropës.

Ish-qendra spanjolle po qëndron në vendin tonë për takimin e Komisionit të të Rinjve të FIBA Evropës (FIBA Europe Youth Commission), që për herë të parë po mbahet në Kosovë, derisa Fetahu është nënkryetar i këtij Komisioni.

Federata e Basketbollit e Kosovës (FBK) vazhdon të organizojë ngjarje të rëndësishme të basketbollit ndërkombëtar.

Për herë të parë në vendin tonë do të mbahen dy evente shumë të rëndësishme si, FIBA Europe U14 Get-Together dhe takimi i Komisionit të të Rinjve të FIBA Evropës (FIBA Europe Youth Commission).

Ngjarjet do të mbahen në Prishtinë, më 17-19 tetor 2025.

FIBA Europe U14 Get-Together zhvillohet përgjatë tri ditëve, ndërsa më 17 tetor mbahet edhe takimi i Komisionit të të Rinjve të FIBA Evropës.

Gjatë këtyre dy ngjarjeve shumë të rëndësishme, FBK ka nderin të mirëpresë:

1. Jorge Garbajosa, Kryetar i FIBA Evropës dhe udhëheqës i Komisionit,
2. Kamil Novak, Drejtor Ekzekutiv i FIBA Evropës,

si dhe shumë drejtues të tjerë të federatave evropiane.

Kryetari i FBK-së, Arben Fetahu është nënkryetar i këtij komisioni, derisa kujtojmë që Fetahu, është edhe anëtar i Bordit të FIBA Evropës. Takimi mbahet të premten nga ora 10:00 deri në ora 15:00 në Courtyard by Marriott.

FIBA Europe U14 Get-Together do të mbledhë trajnerë nga mbarë Evropa, ku përgjatë tri ditëve do të ligjërohet për punën me grupmosha të reja.

Kjo ngjarje e përvitshme e FIBA Europe synon edukimin e trajnerëve të rinj dhe fuqizimin e gjeneratave të ardhshme të basketbollistëve, duke e vendosur Kosovën në qendër të zhvillimeve ndërkombëtare sportive.

Në këtë aktivitet do të marrin pjesë rreth 80 trajnerë nga i gjithë kontinenti, të cilët do të ndjekin ligjërata dhe trajnime nga ekspertë të njohur të basketbollit evropian. Ndërkaq, në ditën e dytë të këtij eventi, më 18 tetor 2025, eventi do të jetë i hapur për trajnerët nga Kosova të gjeneratave të reja.

Federata e Basketbollit e Kosovës (FBK) ka organizuar aktivitetin e radhës në kuadër të kampanjës Her World, Her Rules.

Ky aktivitet është mbajtur për Ditën Ndërkombëtare të Vajzave.

Eventi shumë i rëndësishëm për basketbollin e femrave u mbajt në Prishtinë, përkatësisht në Shkollën e Gjelbër.

Sekretarja e Përgjithshme e FBK-së, Elvira Dushku ka folur se sa e rëndësishme është që vajzat të merren me basketboll dhe të mos largohen asnjëherë nga ky sport.

Në këtë aktivitet morën pjesë edhe basketbolliste e ish-basketbolliste, por edhe trajnerë për t’i frymëzuar e motivuar vajzat.  

Marigona Rushiti, Era Shatri, Besjana Martinaj dhe Agnesa Rrahmani u bën thirrje vajzave të reja që asnjëherë të mos dorëzohen dhe të ndjekin ëndrrat e tyre, ndërkohë trajneri Egzon Uka, përveç mbajtjes së stërvitjes argëtuese, nënvizoi se, basketbolli është i mirë jo vetëm si sport, por edhe shumë i shëndetshëm në jetën e përditshme.

Federata e Basketbollit e Kosovës (FBK) vazhdon me aktivitete të kampanjës ndërkombëtare Her World, Her Rules, pjesë e programit FIBA Europe Girls’ Program tash e 7 vite me radhë.

Ky projekt unik ka për qëllim promovimin e basketbollit për vajzat nëpërmjet aktiviteteve të veçanta që inspirojnë, motivojnë dhe fuqizojnë brezat e rinj.